/21/ rerum reliquit, quia totum obire non poterat?
an regimine res indigent duntaxat ut fiant,
non ut effectae conserventur? Ridiculum,
mehercle, dictum. Missum igitur faciamus.
EXERCITATIO V
Probat Numinis providentiam ex motu coelorum.
Coelestium corporum motus, cum a
naturali ipsorum inclinatione non sit,
ex divina erit ordinatione. Atqui illorum
motiones ad horum inferiorum regimen
ordinantur. Inferiora igitur divinae ordinationi
ac providentiae subiiciuntur. Nam propter
quod unum quodque tale, et illud magis,
ut dicitur in authentica Multo Magis Codicis, De
Sacrosanctis EccIesiis.
Hieronymus Cardanus, vir in literis tantus
et virtutis adeo spectatae ut perpauca ei
defuerint ad perfectam scientiarum omnium
eruditionem, in libro 17. De subtilitate, cap. De
artibus, fol. 708., existimat falsam esse maiorem
propositionem quia sequeretur esse in Natura
corpus aliquod immobile naturaliter.
At, petita venia a subtilissimo viro, coelos naturali
motu non moveri demonstro. Quod
movetur, movetur ut quiescat; non potest
autem quiescere nisi in suo loco. Non igitur
Indice
|
Pagine introduttive |
|
EXERCITATIONES |